تأجير الشقق في القاهرة عملية تفاصيلها كتير والمتغيرات فيها يصعب حصرها: قانون جديد؟ ولا قديم؟ متشطبة؟ طب تشطيب لوكس ولا سوبر لوكس؟
وعشان كده حابين نديك فكرة عن العوامل اللي لازم تتحط في الإعتبار وانت رايح تدور على شقة تأجرها، والمواصفات الأساسية والفرعية دي بالعشرات وتفاصيلها كتيرة جداً وممكن تـ تقسم كالآتي من باب التبسيط:

1- نوع الإيجار:
الايجار القديم طويل المدة - قانون جديد - الايجار المفروش للفترات الطويله - الايجار السياحي اليومي

2- المساحة:
تعتبر المساحة من العوامل الاساسية التي تحدد قيمة الإيجار، لكن المفاجئ ان العوامل التانية بـ تفرق جداً لدرجة ان عقارين نفس المساحة ونفس الحي ممكن تلاقي إيجار الواحد ضعف التاني.

3- الحي:
في القاهرة أحياء الإيجار فيها بالدولار، زي الزمالك، وأماكن تانية أسعار الإيجار فيها قليلة.
مثال لشقة 100 م تقريبا في حي مدينة نصر او مصر الجديدة او المعادي متوسط الايجار 1500 وبـ توصل لـ 3000 جنيه،
واما في حي مثل السلام، العبور، عين شمس، النعام، الزيتون، حدائق القبة تبدأ من 500 لـ1500 جنيه شهرياً،
أما الرحاب فشقة 90 متر بعيدة نسبياً عن المول تشطيب متوسط ممكن تبقى بحوالي 1800 جنيه شهرياً.

4- التشطيب:
التشطيب بـ يفرق كتير في سعر الإيجار. وينقسم لاكتر من نوع:
* بدون تشطيب: على الطوب الأحمر.
* نص تشطيب: مزودة بأبواب وحلوق.
* متشطبة: على المحارة.
* متشطبة لوكس: بياض، سيراميك أو بلاط.
* متشطبة سوبر لوكس: إضاءة، بياض، سيراميك أو بلاط.
* مفروشة: مزودة بكل أو معظم الأثاث.